وحيد

لما تحس انك لوحدك

كلم نفسك

حوش البرد من عليك

واداري تحت البطنه

شوف مين بيحس بيك

واحكي معاه للفجريه

بس وانت بتحكي اوعي تنسي

انك بتحكي مع نفسك

بين ضلوع الدفايه كلام

وحكايه تاخدك للمنام

مهما دفت جو الاوضه

القلب من جواه بردان

احكي حتي فالسكوت

اضحك انبسط او طق موت

مش هتفرق مانت واحدك

ولو متخيل حد جنبك

غمض عنيك يمكن يروح

دون دموعك علي الورق

واحكي مواقف مضحكه

علي صوتك بالغنا

سيب الورق يشعر مطرحك

لسه زي البرد واخدك

ومخلصتش حكي مع نفسك

والدفايه كمان بتحكي

لجل تاخدك للمنام

بس مهما الكل يرغي

تحس لسه الوقت بدري

والكلام مالي المكان

والدفايه دفت كل حاجه

إلا قلبك فاضي وبردان

بهيه .....(مع الاعتزار لاحمد فؤاد نجم)

هبيع الورقه والقلم

والدهشه والندم

وأكتب أخر قصيده

لجل ما تعودي للعدم

قلتلك حبيني متنسنيش

وطلبت منك الرجوع

من مكانك متحركتيش

جتلك ببكي بالدموع

وأنا جايلك

قطفت الورده اللي بتحبيها

جيت أديهالك مرضتيش بيها

موتها لاجل اشوفك سعيده

وسبت حبيبتها فالوحده حزينه

قلتيي الناس بتتكلم عليه

وسرتي بقت مش اللي هي

اديني ضهرك واعمل متعرفنيش

ازاي وانا كل جسمي بينطق بهيه

انا يسن

انا اهلك وناسك

ومحراتك وفاسك

انا التراب انا الحطان

انا المكان وانا الزمان

انا الوطن مش انتي الوطن

انا الحضاره والاديان

لا هبقي سجنك ولا عزابك

ولا وجعك ولا هوانك

انا حصني وطنك وعمري عمرك

وقلبي بيتك وفرشة جنابك

انعي يا ست الكل يسن

انزلي بكفوفك علي الخدين

وعلي دماغك شيلي الطين

سرق الحلم غراب البين

سرقوا السيف قتلوا امير

لفوه فكيس عالتحمير

عملوا مسابقه الشعب حمير

فتحنا الكيس كسبنا مشير