الحَجر

مش هقدر أقول كلام كتبر

عن صبي بيحلم وحلمه كبير

راقد فوق لسانه حجر

واقف فوق صدره حجر

من أمتي القلوب بتصير

ميزان لظلم الحجر

سنين عمر الصبي

بتمر قدامه

لا قادر يوقف نزيف السنين

ولا حتي أحلامه

والحجر بيتقل كل يوم

علي قلبه وفوق لسانه

حتي في ساعات النوم

الحجر ضاغط علي خياله

هسيب باقي القصيده فاضيه

 يكملها كل واحد علي مزاجه

يحكي فيها عن حكايته

والحجاره اللي فـ حياته

(Ahmed Araby)

فكرت كتير اشيل الحجر

قالولي انسي ده اصلوا قدر

قولت مين قال غبائكواتفرض

قالوا يبقي انت اكيد مش بشر

(shimaa abd alnaser) 

فوق قلبي حجر
مانعني من البسمة
شايلاك في قلبي قدر
وانت الحبيب و القسمة
ياريتني أختار نصيبي
وياريتني م انجرح م النسمة

- أي حد حابب يكمل القصيده ويتكلم عن الحجاره اللي فحياته باي شكل شعر خاطره نثر بدون اي خطوط حمراء يبعتلي Inbox

- Facebook profile علي يمين الصفحه

صوت الناي

 

بفتش فقلبي علي صوت الناي

وأسال أنا حزين ولا فرحان

ساعات فعز حزني بكون منتشي

ووقت فرحي بكون تعبان

دخلت حانه

كل اللي فيها حزانه

علي نغم راجل عجوز

كل الناس تيهانه

ودموع فعنين السكيره

حسيت أني فـ دير

ودي دموع خطايا السميعه

وكل ما نغمة الناي بتعلي

بميز صوت جوايه

انا عارف الصوت

وعارف مين دول

وحتي العجوز أنا عارفه

الحانه دي جوايا أنا

والناس دول هما أنا

والعجوز وصوت الناي

دقة قلبي وعمري الجاي

والدمع اللي فعنيه

كاس خمره

بنغمه شارده

فـ عهر الورده

وناي حزين

فإيد راجل عجوز

ضله عالحيطه محني

أنسان

إذا رايت اصدقائك في تلك الكلمات فلا تبخل عليهم بها

 

 

أنسان

طارح الحب فكلامه

أنسان

بيتنفس حزن فأحلامه

أنسان

أشتري الموده بالسكات

وعاشق الفن وجنانه

العمر بالنسباله حاله

والسكون فيها استحاله

نشيد يغني الأبتسامه

والغنوه ينقلها الرحاله

موجود فكل مس جنون

علي كل نغمة ناي وعود

تفرق مابين الرزانه والمجون

يشبه العصر اللي جاي

أنسان

طارحه فقلبه فكره

قام سقلها من عينه دمعه

ساب الورده نص الكتاب

وأجل الحلم لبكره

وده حال كل أنسان

ماشي بحلمه وبحبه

روحه فكل مكان

ماتشفهوش لكن تحسه

             

                    

                                                                                                  إهداء

الي اصدقاء الدرب الطويل