بدق الببان
أضور علي سندريلا
أطوف واشوف
والف بخوف
رحاله بين القلوب
عمال اضور ع الدفا
والمطر مسكتش يوم
والكلام زي الهمهمه
والرحله دواره علي بيوت البنات
والضفاير المفكوكه بتقول حاجات
خربشة الضوافر لحن الاغاني
والضحكه أجمل كلام الاغنيات
كل الزكريات الحلوه ابتسامه
مبتكملش تبقي ضكحه
فمش مهم كتر السعاده
ولا الذكري الحلوه تبقي
سنين مش عارف انام
بحط راسي ع المخده
واتخيل شكل الاحلام
واشوف النوم فكل حته
لكن عمره ما يجي جنبي
يحط راسه ع المخده
بتمني حضن السندريلا
اللي هلاقي بين ضلوعها النوم
مش لاقيها فاي حته
ولا حاجه تعوضني عنها
ولا كل احضان الصبايا
جابتلي النوم فيوم
ليست هناك تعليقات:
إرسال تعليق