أسوا ما فالعلاقات الانسانيه الذكريات سواء حلوه أو وحشه
...................................................
مشي مجرجر وراه أحلامي
كلام الرجوع بينهش كياني
عايز أنسي حبيبي الأولاني
واشوف حياتي وانسي الأغاني
أنسي دي كلمه طولة العمر
أولها جمر وطرقها صعب
قوت الطريق مرار الصبر
والخطوه شرق وتجبني غرب
فاكره لما كنا بنشبك ادينا
ونجري وفرحتنا فعنينا
ولما العيال بتمسك سرتنا
نكدب نقول مفيش حاجه بنا
طاب فاكره لما كنا بنلعب صراحه
وسالني واحد بتحب مين
معرفتش اكدب وكانت خناقه
كشفوني من نظرة عين
أنسي إزاي وانا فاكر كل لحظه
الجو وريحه المكان وكل همسه
لما مشيتي وبقيت لوحدي
كنت فاكرك زعلانه مني
لكن اللي مجاش فعقلي
انك استغنيتي عني
رغم انك مشيتي
فاكرك بكل خير
لا عمرك عليا قسيتي
وقلبك زي قلب الطير
هبدا المشوار ومليون حوار
مشواري عكس الاتجاه
وكل خطوه عكس الحياه
بعيد عن كل اخره وكل باب
ولا اقلك
بلاش عتاب
بلاش عتاب
ليست هناك تعليقات:
إرسال تعليق