أهداء الي نفسي بمناسبة عيد ميلادي
حتي الأن مش عارف إذا كان ده حاجه حلوه أو وحشه
.................................................................
من هوامش الذكريات
بقرا بصوت مبحوح
حكايه العمر اللي فات
فزمن الفؤاد مجروح
والصبر لما انتهي
طلع الحكي المكبوت
زقيت برجلي الغطا
فبان الكلام منحوت
كان يامكان
كان في زمان انسان
جه الدنيا في غياهب النسيان
لما امي نسيت الحبايه
لقيتني فبطنها
من غير احم ولا استئذان
اتولدت كان القمر غضبان
ابويا كان سكران
أمي ولدتني سيزرين
عشان مش ناقصه بضان
محدش حس بيا
ولا حد سمّ عليا
ولا اختارولي اسم
ولا كحلولي عنيا
نسيوا يعلموني الكلام
فالكلام انعدام الأتزان
مشفتش غير فالأحلام
ولسه عايش فغياهب النسيان
مره بكلمها معرفتنيش
البنت اللي حبتها سابتني
هتعشق هوا ولا نبت أصغر مالحشيش
معزوره البنيه نسيتني
فمين يرجعلي العمر اللي فات
ويردلي لو حتي لحظه
أحاسب مين علي الذكريات
وأني جيت الدنيا غلطه
مش حاسس اني انسان
د انا امي التوهه والغربه
انا جيت من صلب النسيان
ولا حاجه هتدخل التربه
والنعش هوامش ذكريات
واللي جوه القبر فكره
حتي صلاة الجنازه
صلاة اللي مش عارفنله سكه
ولو فضلنا زي ما احنا ضل ناي
والحاله عامه وملهاش دوا
حوامل العصر اللي جاي
هتموت وهي بتولد هوا
ليست هناك تعليقات:
إرسال تعليق