لما أحب أكتب غنوه
بقول اللي وجعني
وأكتر كلمه حلوه
لما أمسك بايدي جرجي
دايما بكتب عن الطريق
والانسان الوحيد
والتايه والغريق
وآنسي بالتحديد
كنت عاوز اكتب فايه
بنقل اللي جوايه بصراحه
وساعات بكتبه بقباحه
وساعات بكون مؤدب
وكتير في غاية الوقاحه
اوجاع الناس حكايات وغناوي
وكلمه وجمله ووزن وآه ياني
حرفة نقل الحس فقلب الكلمه
وسقفة وضحكه وكلمة تاني
بصيت لنفسي مره
وانا متنح ودايخ
وقلت ليه الغنوه
كل كلامها بايخ
مفيش ولا كلمه حلوه
والقلم ف إيدي شايخ
واتاري الأوضه ضلمه
وأنا جوايا تايه
فساعات بحس بحزن
وساعات بحس بشوه
وساعات ما بحسش أصلا
وأقوم كتير من غفوه
وانا بين الحزن والفرحه
بحس احساس صعب
ماسك بإيد السما
وبايد ماسك التراب
لاعاوز نعيم الجنه
ولا لهيب النار
مش عاوز أي شئ
مش راضي عن نفسي
لاني مجرد كلام
وضحك عل الدقون
وأصعب سؤال بيكون
مين ناوي يبقي الزبون
وده اكتر حزن صابني
وأنا بكتب حقيقتي
وانا بكتب الغنوه ديه
وافتكرها كل عشيه
كفايا عليه ديه
هقطع كل اشعاري
وابله واشرب الميه
كان أخر كل مقطع
كان بيغمً عليه
واشوف فالحلم نفسي
ماسك سيف ف يدّي
وعاوز اهجم عليه
عاوز مني حقي
مالضحك عليه
وقال الشعر بيريح
احب اقلكم
الشعر عمره ما كان بيريح
ليست هناك تعليقات:
إرسال تعليق